Lesen Sie unsere FAQ um Antworten auf Ihre Fragen zu finden.

Welches ist Ihr Profil?


Wählen Sie ein Profil aus

Meng Gemeng engaéiert sech fir Solarenergie

Meng Gemeng engaéiert sech fir Solarenergie


Wat ass de solar challenge?

myenergy lancéiert de solar challenge fir Lëtzebuerger Gemengen auszezeechnen, déi sech fir d’Produktioun vu Solarenergie asetzen.

Léif Gemengen, dëse Concours riicht sech un Iech an huet d’Ziel, d’Unzuel u Photovoltaikanlagen am Land ze erhéijen. Dir sidd all invitéiert, d’Installatioun vu Photovoltaikanlage bei Äre Matbierger ze fërderen!

Den Challenge leeft vum 1. Juli 2019 bis den 1. Oktober 2020, a besteet aus zwou Kategorien:

  • Déi éischt Kategorie zeechent déi dräi Gemengen aus, déi duerch d’Installatioun vu néien Photovoltaikanlagen dee gréissten Zouwuess u Solarenergie bannent hierer Gemeng virweisen (Viraussetzzung: Anlagen bis zu 500 kWp, op all Zort vu Gebaier, mat Ausnahm vun Anlagen déi vun der Administration des Bâtiments publics installéiert goufen).
  • Déi zweet Kategorie valoriséiert déi Gemeng, déi deen innovatiivste Projet am Beräich Photovoltaik presentéiert. Dëse kann zum Beispill op folgende Beräicher berouen: Technologie, architektonesch Integratioun, Kommunikatioun, Kreativitéit, Educatioun, Bedeelegung a Motivatioun vun de Bierger an Entreprisen.

 

Firwat sollt Är Gemeng matmaachen?

Mat der Participatioun um solar challenge drot Dir als Gemeng zu der Entwécklung vun den erneierbaren Energië bäi, andeems Dir d’Produktioun vu Photovoltaik-Energie zu Lëtzebuerg ënnerstëtzt fir esou d’Klimaziler vun 2030 ze erreechen. Är Projete ronderëm d’Photovoltaik kënnen net nëmmen zukünfteg Realisatioune vun anere Gemengen inspiréieren, mee ginn och Äre Matbierger d’Geleeënheet, sech aktiv un der Klimapolitik vum Land ze bedeelegen.

Huelt och Dir dës Erausfuerderung un a maacht Är Gemeng zu engem aktive Partner fir de Klimaschutz op lokalem Niveau!

All d’Gemengen déi beim solar challenge matmaache gi fir hiert Engagement bei engem Event geéiert.

 

Wéi eng Präisser sinn ze gewannen?

Zesummen mat myenergy gëtt fir déi dräi Gewënnergemenge vun der eischter Kategorie en festlechen Themenowend iwwert d’Photovoltaik mat der Presenz vun Experten organiséiert. Ausserdeem profitéieren dës Gemenge vun enger Mediatisatioun vu myenergy, fir hiert Engagement ze promouvéieren. Déi éischtplacéiert Gemeng kritt zousätzlech ee Video gestallt, deen d’Produktioun vu Solarstroum op hirem Terrain valoriséiert.

D’Gewënnergemeng vun der zweeter Kategorie gewënnt d’Produktioun vun engem Video, deen den entwéckelte Projet ervirhiewt, esou wéi eng Mediatisatioun vu myenergy fir hiert Engagement ze fërderen.

 

Wéi kënnt Dir matmaachen?

 

Fir beim Concours matzemaache biede mir Iech folgende Formulaire bis spéitstens den 30. November 2019 auszefëllen.

Fir Är Participatioun un der zweeter Kategorie vum Concours kënnt Dir eis Ären Dossier mat enger Beschreiwung vum entwéckelte Projet bis den 1. Oktober 2020 per E-mail zoukomme lossen.  

Fir all zousäztlech Informatioun kënnt Dir eis per E-mail oder per Telefon um 40 66 58 58 erreechen.

All d’Konditioune vum Concours, esou wéi d’Präisser fannt Dir am Reglement op dëser Säit.

Umeldung - solar challenge

Veuillez prouver que vous n'êtes pas un robot en cliquant sur le captcha, Merci.

Mit Ihrem Besuch auf dieser Webseite akzeptieren Sie die Verwendung von Cookies, die uns die Erstellung von Besucherstatistiken ermöglichen. Weitere Informationen