Alle Antworten auf Ihre Fragen.

Sie sind


Wat ass de solar challenge?

myenergy lancéiert de solar challenge fir Lëtzebuerger Gemengen auszezeechnen, déi sech fir d’Produktioun vu Solarenergie asetzen.

Léif Gemengen, dëse Concours riicht sech un Iech an huet d’Ziel, d’Unzuel u Photovoltaikanlagen am Land ze erhéijen. Dir sidd all invitéiert, d’Installatioun vu Photovoltaikanlage bei Äre Matbierger ze fërderen!

Den Challenge leeft vum 1. Juli 2019 bis den 1. Oktober 2020, a besteet aus zwou Kategorien:

  • Déi éischt Kategorie zeechent déi dräi Gemengen aus, déi duerch d’Installatioun vu néien Photovoltaikanlagen dee gréissten Zouwuess u Solarenergie bannent hierer Gemeng virweisen.
  • Déi zweet Kategorie valoriséiert déi Gemeng, déi deen innovatiivste Projet am Beräich Photovoltaik presentéiert. Dëse kann zum Beispill op folgende Beräicher berouen: Technologie, architektonesch Integratioun, Kommunikatioun, Kreativitéit, Educatioun, Bedeelegung a Motivatioun vun de Bierger an Entreprisen.

 Aféierung vun enger neier Kategorie

myenergy huet decidéiert, beim solar challenge eng nei Kategorie anzeféieren an d’Reglement unzepassen. Domadder ass et elo och méiglech, datt Gruppementer vu Gemengen zesumme matmaachen.

Är Gemeng huet also ab elo d’Méiglechkeet, sech mat mindestens 3 anere Gemengen aus Ärer Regioun zesummenzeschléisse fir e méiglechst héijen Zouwuess u Solarenergie ze produzéieren!

Dës nei Kategorie huet keng Auswierkung op Gemengen, déi schonns an den anere Kategorië vum Concours ageschriwwe sinn.

Wann Dir schonns virun dem Ajout vun der neier Kategorie als eenzel Gemeng ugemellt waart hutt dir d'Méiglechkeet, Iech fir déi regional Kategorie vum Concours unzemellen, andeems Dir den aktualiséierte Formulaire ausfëllt an déi entspriechend Case ukräizt. 

 

Mit Ihrem Besuch auf dieser Webseite akzeptieren Sie die Verwendung von Cookies, die uns die Erstellung von Besucherstatistiken ermöglichen. Weitere Informationen